Mağaza haqqında

Lumegrand mağazamızda 2023-cü ildə Maytoni brendinin tədbiri keçirildi. Tədbirdə brend haqqında maraqlı məlumatlar və biliklər təqdim olundu. Alman brendi olan Maytoni Hamburqda 2009-cu ildə təsis edilmişdir. Maytoni brendinin hər evə və dizayna uyğun modelləri mövcuddur. Brend özündə eleqantlığı, klassikanı və sadəliyi birləşdirir. Qeyd etmək istərdik ki, Lumegrand mağazası Azərbaycanda Maytoni brendi ilə əməkdaşlıq edən tək şirkətdir.

“Lumegrand”, 2006-cı ildən bu günədək interyer həlləri sahəsində aparıcı, pərakəndə və topdan satış şirkətlərindən biridir. Respublikamızda işıqlandırma sənayesinin öndə gedən, məşhur xarici brendlərin məhsullarını geniş çeşiddə insanlara təqdim edən aparıcı şirkətlərindən biridir. Uzun illərdir uğurlu fəaliyyətin nəticəsi olaraq müasir və klassik üslubda işıqlandırma, mebel və dekor əşyaları satışı həyata keçirən mağazalar zincirinin açılışı baş tutmuşdur. Həmçinin, ilk mağazanın açıldığı gündən Lumegrand şirkəti ölkənin aparıcı memarlıq şirkətləri və dizaynerləri ilə əməkdaşlıq içindədir. Ev və ofislərdə, bağ və villalarda dünyaca məşhur Avstriya, İtaliya, Almaniya brendlərinin bir-birindən fərqli məhsulları ilə nəcib zövqü, müasir yanaşmanı və mədəni toxunuşu göstərmək üçün yola çıxan Lumegrand böyük fərdi və korporativ müştəri kütləsinə malikdir.

Lumegrand Interiors mağazasının açılışı uğurlarımız siyahısına əlavə olundu. Bu mağazada dünyanın böyük markalarının işıqlandırma sistemləri ilə yanaşı, Avropa və Asiya ölkələrindən birbaşa gətirilən mebellər də təqdim olunur. Keyfiyyəti və estetik gözəlliyi hər kəs üçün əlçatan etmək məqsədi ilə istənilən büdcəyə uyğun geniş seçim imkanı təqdim olunur. Lumegrand Interiors mağazasında tavandakı çilçıraqdan döşəmədəki xalçaya qədər məkanın interyerində ehtiyac duyula biləcək hər əşyanı əldə etmək mümkündür.

İsveç markası EGLO ilə gəldiyimiz razılıqdan sonra növbəti addım eyni adlı mağazanın açılışı oldu. Böyük maraqla qarşılanan mağaza açılışında bütün qonaqlar məhsulların keyfiyyətini və estetik gözəlliyini təsdiqlədi. Yeni mağazaya olan maraq açılışın ilk günündən indiyə qədər yüksək səviyyədə qalmaqdadır. Çünki açılan geniş və işıqlı mağazada EGLO markasının müxtəlif işıqlandırma sistemləri təqdim olunur. Təqdim olunan modellər həm daxili, həm xarici işıqlandırma üçün nəzərdə tutulub. İstər klassik, istər modern, istərsə də minimalist üslubda işıqlandırma modellərinə rast gəlmək, yerindəcə seçib əldə etmək mümkündür. Mağazanın daxilində əldə etdiyiniz məhsulu sınamaq, məkanda necə görünəcəyini təsəvvür etmək və ən uyğun modellər haqqında tövsiyələr almaq imkanı var.

Dünya işıqlandırma brendləri ilə olan əməkdaşlıqlarımız daha böyük bir uğura imza atmağımız ilə nəticələndi. Avstriya markası olan EGLO Leuchten GmbH şirkəti ilə Azərbaycan Respublikasında eksklüziv satış barədə razılığı gəldik. Bu razılıq daxilində həmin şirkətin yüksək keyfiyyətli işıqlandırma sistemlərini Azərbaycan alıcısına ən uyğun və faydalı formada təqdim etmək məsuliyyətini öz üzərimizə götürdük. EGLO markası dünyanın bir çox nöqtəsində rəsmi satış təmsilçiləri olan İsveç brendidir. Bu markanın Azərbaycanda eksklüziv satışı müqaviləsini imzalamaq uğurlar siyahımızda öz xüsusi yerini tutdu.

Yeni mağazaların açılması və daha çox insana xidmət eşqi ilə növbəti mərhələyə keçilmək qərarı verildi. Lumegrand MMC şirkəti təsis olundu və həmin ana qədər açılan bütün mağazalar bu ad altında rebrendinq edildi. Bu dəyişiklik ilə Lumegrand artıq işıqlandırma sənayesində bir ad, bir brend kimi tam formalaşdığını təsdiq etdi. Rebrendinq ilə bir çox Avropa brendi ilə birbaşa əməkdaşlıq etmək, dəyərli müştərilərimizə daha geniş çeşiddə məhsullar təqdim etmək imkanımız böyüdü. Artıq uzun illərdir ki, Lumegrand MMC çətiri altında fəaliyyət göstərən mağazalarımız keyfiyyət etalonu olmağa davam edir.

LS Classic adlı ikinci mağazamızın açılışı çoxdan gözlənilən və məhsullarımıza olan artan marağı qarşılamaq üçün labüd idi. Yeni mağazanın məhsulları sırasında klassik üslublu çilçıraqlarla yanaşı modern üslublu işıqlandırma sistemləri də təqdim olunurdu. Bu isə mağazanı bir neçə üslub arasında seçim etməyə çətinlik çəkənlərin sevimlisi edirdi. Mağaza təqdim etdiyi keyfiyyətli və estetik işıqlandırma sistemləri ilə qısa zamanda hər kəsin rəğbətini qazana bildi.

2006-ci ildə Lighting Studio adlı ilk mağazamızın açılışı baş tutdu. Uzun müddət hazırlığını gördüyümüz açılış qonaqlar tərəfindən böyük maraqla qarşılandı. Azərbaycanda işıqlandırma dünyasına yeni nəfəs gəldiyi ilk gündən hər kəs tərəfindən təsdiqləndi. Fərqli üslublarda işıqlandırma sistemi təklif edən mağaza qısa zamanda uğur qazandı və işıqlandırma deyəndə yada düşən ilk mağazalardan oldu.